wohl, bea, biessale kålt wår schon, hiatzt bei unsra hunderunde. åba mir håbms xunda ieberståndn. und dafier ies da hiemml wolknlos und die sunne ies aa schon då. des werd a scheena tåg.
und "ies noch ållaweil jänna" sågg es laare briaftaschle.
iebamurgn ies liachtmess, då kummt es erste mål wieda a sunnenstråhl iebern kowesnock in den kreizna untagråbm. jå, die sunne kummt wieda - wenn se kummt.
fiern wienta gültet die unschuldsvamuhtung - bies zu sein åblaufdatum, und des ruckt näha und näha.
und da hiesige låndwiertschåftzbiauftrågte von da låndesreGIERung wüll de påår braunbärn und wölf, de mier in kärntn håbm, zum åbschuss freigebm.
so a sauarei - er maant: "fier wås brauchn mir in kärntn de nutzlosn bärn und wölf? und kaana fråggt "fier wås brauchn mir in kärntn an so aan låndwiertschåftzreffarentn?" ållas wås nutzlos ies gheart sellecktirt und zum åbschuss freig'gebm. jå, so maant er.
auwehauweh - i bin jå aa lei a nutzloses renntnamanndl. wånn kriagn mir den passaschierschein? i kånn mi då auf an fülm erinnern, den's in die siebzga jåhr gebm håt, då håmtze aus die åltn weibalan und mannkalan wenigstns noch keckslen gebåchn. "Soylent Green" oda sowia håmt de pisskwittz ghaaßn. Falleicht måchntze aus mir amål an hundekuchn oda sowås. hihi - då hättetn mi die viecherlen zum fressn gern.
