Hallo Irmi. Hochwåssagifåhr gebånnt?
Bei uns håtz hiatzt um hålbasiebene in da Fruah +6° und da Schneefreessa (Jauk, Föhn) blåst wia taamisch die letztn Schneerestlen weck. Also, wientalieh ies des niet gråd, schon eeha wia die erstn Friehlingsboten. Die Naziesselen und die Schneeglöcklen druckn aa schon die erstn spietzn Blaattlen ausm Bodn ausa. So aane neigierign Luadan. Und wenn noch a Påtzn Schnee kummen werd (und der kummt siehalieh), nåachan seindse hien. Des håmtze davon, dass se niet wårtn können. Lei in die Schneeroasn, de gegn die Windiesche Höh zu haufnweis wåxn, ies des Wurscht, de bliahn aa unterm Schnee noch weita. Åba i kånns eigntlieh aa niamma dawårtn, i wüll schon Friehling håbm - noch dazua wo die Fruahjåhrsmiadigkeit volle eingsetzt håt. Jå.
Schnecki - hihi - Brupleme beim - haha - Schuachzuabiendn ... wem dazählst denn des? Dås kenn i schon lång, åba i såg niet warum, weil sunst regt siech glei wieda aana ieber mei Lucksusfieguhr auf, den des eigntlieh går niex ångehn tuat. Muaßt mir amål beim Zeachntkramapalanschneidn zuaschaugn, då kriagst an Låchkråmpf. Jå echt.
Frounze, Gummischtiefl seind ächt es Letzte. I måg de aa niet. Maanst, i bien falleicht kaa Fåckh niet, ha? Dabei meegn jå aanige des so gern, wenns då von untn so guat aufagrusalan tuat. Des ies hålt sovül guat! I kånn auf den Gschmåchn gern vaziechtn. Jåjå, i waaß eh, Bärocksied eineschiettn in die Tscherfl , kriagst kaane Schweißfiaß und nåachan am bestn wieda auslaarn und damiet gurgln - kriagst MuRu aa kaan. Nein, danke! (Des wår Hochdaitsch).
Da lången Rede kurzer Sienn: Naaaa! Då ziahg i liaba Holzzoggl ån als wia de Semparittreeta.
Und wås gips sunst noch Naies?
Såmstig ies
und i wientsch eich
aan guatn settenen
und aan guatn Morgen
aa noch dazua.
15.01.2011 07:06:Irmile, hiatzt håb i schon die längste Weile Dein Hupfalen zuagschaugt, dem degenen Smailie då drunta, und maanst eppa, der werd miad? Niet amål denkn. Der hupft und hupft und hupft, und... Teixleine a soo aa Enerdschie taatet i aa gern håbm mögn. Båa, då taatet die Post åba åbgehn ...
Ob eppa des Hupfale Andale haaßt?
15.01.2011 07:15:Jå, noch a Neiigkeit gips, obwohl de jå går niet so nei ies: Unsa Pao Lee håt maan i am 15. Jänna es Kierznliachtle da Wölt erbkickt.
Ållas Guate
zum Geburtståg,
Pao Lee!
