|
|
|
| ruflo am 01.04.2012 17:25 (vua 4914 Tåg) |
Jåjå, Kuhle Pidgin und Suaheli - kaa Gfåhr, weils eh kaana vasteht. Und Kächin (Kärntner Chinesisch) ies aa erlaubt.
01.04.2012 18:09:Unserm Scheffe herzlichn Glückwunsch zum båldign freudign Ereignis! (am 1. Aprüll 2013)
|
| ruflo am 01.04.2012 07:48 (vua 4914 Tåg) |
 Bussale z'ruck nåch Köln und - des werd jå wohl noch erlaubt sein. Zensuriern kånn man ka Schmåtzerle. Niet amål in Nordkorea oda Chinesien.
An scheenen Sunntåg, Irmi und mir denkn auf Di, wenn mir heit wieda auf die Windische gehn.
01.04.2012 07:56:Tuat mir laad, wenn i mit mein Getschentsche Eich aufn Geist geh, åba bei de Zuaständ, de bei uns herrschn tuan, werd man hålt a Biessale zum Wutbürger. Und: Lei die dümmstn Kälber wähln ihre Schlächter selber. |
| ruflo am 01.04.2012 06:31 (vua 4914 Tåg) |
Murgen "Friede in da Pfeife", Murgn Beißerle. Naa, håb i noch kaa Ostahasle gsehgn und des håt aa sein Grund. De vasteckn siech ålle vur der Datenvurråtsspeicherung und wolln niet geortet werdn.
_______________________________________________
Juchhuuu!!! Es ies erreicht: „Schöne neue Welt“ (Huxley) und „Big Brother is Watching You!“ (Orwell) seind ålte Hiat. „Fahrenheit 451“ (Bradbury) werd aa båld ieberholt sein. Die Utopie werd von da Realität eingholt und sugår ieberholt. Seit heit‘ gültet bei uns im furtschrittlichn Österreich die VDS (Vorrats-Daten-Speicherung). Jedes Telefongespräch, jede SMS, jede Mail und a jeder Internetzuagriff werd fier 6 Monat gspeichert. Ålle åchtmülliohnen Österreicher stehn åb sufurt unta Terrorvadåcht. Weil es könntet jå aana drunta sein der a Terrorist ies und so bleed ies, dass er von seina eigenen Internetadress oda von sein Vertrågshändi (und niet von an anonymen Wertkårtnhändy aus) Terrorpläne bekånnt gibt. Und die Suachmaschiehnen laafn haaß und durchsuachn ållas wås gschriebm und ångsurft werd, ob då valleicht iergendawo a Wurt wia „eisBOMBE“ vurkummt, oda ob da Kuhle bei sein Kruschpln wieda amål a „geschmåcksEXPLOSION“ håt, oda ob er bei kålte Fiaß es Gurgln miet Ha-zwei-O-zwei (weil des ies Rackettntreibstoff) empfühlt. Und wenn da Ruflo beim Sörfn niet aufpasst, kånns basieren, dass schon kurze Zeit späta die Bullezei mit Håndschölln oda eligdrohnische Fuaßfessln vur seina Tier steht und sågt „Åb in den Tschumpus!“ Weil de Herrschåftn derfn natierliech åb safurt ååållas sehgn und lesn wås unseraana von siech gibt oda siech im Netz ånschaugt. Natierliech lei in begriendete Felle (hihi, lol, rofl – i kriag mi niamma – und dås bei uns in da Panahnenrebuplick Eestarreich, wo aa Hånd die åndare wåscht). Und mei Händi låss i dahaam aufm Schreibtiesch. Maanst valleicht, i bien niet bleed, dass i mi ieberållhien vafolgn låss, und a Eggsekuhta waaß, wohien i meine Schwårzgölda trågn tua? Jå, heit‘ ies da erste Aprüll – åba des wås i då obm gschriebm håb, ies KEIN Aprüllscherz nicht, des ies Tåtsåch. Und niet eppa in an totalitärn Überwåchungsstååt, naa, bei uns im gimiatliechn Österreich. I brauch heit ka Fruahstieck mehr, mir ies so schon iebl ginua. Und wås fier aan großkopfertn Möchtegern-Butentatn i es näxte Mål wähln werd‘ – i waaß es niet.
Und eigntliech ies es eh Wurscht, weil es gültet da ilegtrische Leitsåtz "Ihr da OHM macht WATT ihr VOLT"
___________________________________________________
An guatn Morgen Eich ålln und an scheenen Pålmsunntåg wientscht Eich da Pålmesl ausm Gebirge.
|
| ruflo am 31.03.2012 09:59 (vua 4915 Tåg) |
Uiiii - heit' bin i spåt drån ... werd jå da Kuhle a båld kummen. Odawia.
Åba i håb schon die Hunderunde apsolwirt, wår in Feistritz Ostahaslen kaafn (bivur die Weinnåchtsmannkalan kummen) undsoweita fier die Enkalan.
Åba weil Wochnend ies, schlåft eh valleicht noch die hålbate Månnschåft und ies noch niet spåt zum "Guatn-Morgen-Wientschn" und an scheenen Såmståg wientsch i Eich aa.
|
| ruflo am 30.03.2012 08:01 (vua 4916 Tåg) |
Wäääääääh Fledermäus essn de in Kanadium ... Sowås naaa ....
 Åba wer waaß denn schon, wås ållas guat ies. Wås i då in Thailånd gsehgn håb, wås då so in die Risturants und auf da Stråßn in de Wocks z'såmmgekruschplt werd ... Nåjå, Haupsåch es schmeckt senen. Und unsa Reiseleita håt dersebm zua ållm, wås då ummagekralt, gekrabblt, gflogn, ghupft und gekrochn ies, xågg "Schmeckt guttt!"
I håb hålt maastns Nudln und Reis mit Sooß und Gimiese g'gessn - bies i gheart håb, dass die Sooß a Fischsooß aus vagammlte Fischmägn ies, nåachan håt mir de aa niamma går so guat gschmeckt.
An guatn Morgen und an wunderscheenen Freitåg wientsch i Eich ålln und da Bea heit' schon an guatn Start im neichn Tschop.
 |
| ruflo am 29.03.2012 14:50 (vua 4917 Tåg) |
Es ålte Neukauf wår aans von die ersten EKZ in Kärntn, a großa ADEG-Supamårkt mit mehrere Gschäfte drien. Vur aanige Jåhr ies es Neukauf gsturbm, lei a Frisehr-Lådn håt ieberlebt. Heite håbm sie es neue Neukauf eröffnet, a Stieckale vom ehemålign Ståndort entfernt, bei da Maria-Gailer-Stråßn in da Nähe vom Mega-Baumax. Und gånz toll ies es wurdn, seind 23 Gschäfte drien, unter ånderm aa des Frisehr-Gschäft, wås im åltn Neukauf die Stellung ghåltn håt. Da ålte werd hiatzt åbgriessn und schåfft Plåtz fier neiche Wohnånlågn.
farm8.staticflickr.com/7261/7026287781_c14b1b8125_b.jpg
|
| ruflo am 27.03.2012 07:42 (vua 4919 Tåg) |
An guatn Morgen und an wunderscheenen Tåg wientsch i Eich!
Schnecki, so a leichta Bua bin i aa wieda niet. I bin zwår kaa Bulüdika niet, åba auf 93 Killo "angefüttert" bin i aa.
|
| ruflo am 25.03.2012 09:05 (vua 4921 Tåg) |
Heit', a biessale späta als sunst, um neine, wo nuramlaweis a biessale früher ies, nämlieh erst åchte, wientsch i eich an guatn Morgen und an scheenen Sunntåg. Die Huntalan kennent siech jå aa noch niet miet da neichn Zeit aus. Die Sally håt mir heit a Stund späta es Gsiecht åbgschleckt. Hihi.
Lei die Kierchnglocknen håmt frieher gläutet, weil schon a biessale späta ies. |
|
|
|
|
