seas, gehtzeichguat?
ålsdann , mie håmmtze eindeitig vawäxlt. håmmtze gedenkt ii bien da wufflo (schreib eine ins wertabiachle, kuh: „wufflo = biessiga wolff in de griemmign märchen“), dabei bien ii jå lei da ruflo.
håmtze zerscht drei löcha in mein bauch eine gmåcht und drei labberaskope einigschobm – so aane årt kochlöffl, wo man durch eine in bauch schaugn kånn und mit an gaaß (åls wia wånn i niet sölba ginua hättet!) aufgiblåsn – und dås beim ruflo seina kugl!
håmtze de sexgeißlein gsuacht, wo ii ångebliech gfreessn håb. håmtze åba niex g’sichtet. håmtze niet giglaabt, dass i unschuldig bien und an schniett iebern ekwator von meina kugl aa noch gmåcht. wår eeh ieber zwanzg tsentimetta lång, åba maanst eppa, då seint se ausaghupft, die sexgeißlein? an schmårrn. niet amål a rotkäppchen wår drien und schon går ka großmuatta.
lei a påår wallenschteine (ii kenn ebn meine pappnheima, åba wia de då eine kummen sein waaß i ächt niet!) seind dådedå ausagikullert. und nåacha håmtze ma de gållnblåtta aa noch giklaut.
dafier håmtze ma es wampale wieda z’såmmgiklåmmpert mit 28 eisane klåmmern.
und hiatztn bien i aana von dee am meistn gipierstn lötta in unsriega gegend. hoffntliech gips kaa giwitta! I schaug aus wia a schwammale. da dockta hugo bårtwiesch tatet sågn i bien a „gibierster gallenbiersling“ (ungieftig – åba unginießbår, kuhflattnitz, pass auf!)
lei in bruunn håmtze mie niet einighaut, derwegn bien i wieda dådedå. und am freitåg bien i de klåmmpern aa wieda los. | 
