grias eich!

bin traurig :-((
mein hasi gehts nit guat. mia wolltn heite eigentlich noch loipersdorf a bissale plantschn fohrn, worn a schon zur hölfte durt, do ruaft mei mama on, daaß de klane phoebe nix frisst und lei umaliegt und sich krümmt. mia wieda umgedraht, im höllentempo retour noch wean eine und mit mein hasi zum tierorzt. se hot irgendwos im darm. der is gonz dick und es geht nix durch. hiatzt krompft se de gonze zeit. infusionen hot se kriagt, spritzn und ane pulvalan. fressn tuat se noch imma nix. i muass se mit so an brei mit ana spritzn fiattan.
mah, de tuat ma so laad. liegt nur uma und rihrt sich nit. wenn se aufstehn wüll kloppt se glei wieda zommen. sölbst ihre lieblingsleckerli frisst se nit. gor nix.
hiatzand honi grod nochamol mit da tierärztin gredet. eigentlich solltatn de medikamente schon long wirkn. wenns bis murgn nit bessa is, muass i noch amol hin mit ihr und se muass den gonzn tog durt bleibn. des wüll i oba nit.
pulvalan muass i ihr a noch gehn vurm schlofn gehn.

hoffantlich is murgn bessa :-(((

seas irmi. scheen, dass d' wieda bei uns bist!

@ åltweiwasumma: schåd - bei uns gips kaane åltn weiwa. seind ållas resche diandlen. na jå, a påår ausnåhmen falleicht. hihi. åba: aa åltz weibl måcht noch kaan summa. (bauanrägl)

@ schneck: temma ålmåbtrieb: "lässt der bauer einen fahren - flieht das vieh in hellen scharen"

zum weetta: bei uns håtz gråd a påår minutnen gregnt, hiatzt kralt die sunne wieda aus ihrn wolknbettlen. es schaugt so aus, åls ob da apriel noch niet amål im septemba vurbei warat. pfiateich derweil, i muaß miet da sally haatschn.

griaß eich, bin a wieda amål då und bedånk mi gånz herzlich bei ålln daumanhåltan u. -rinnen. I wer demnäxt so strohln, då is tschernobül a dreck dagegn. und noacha noch a påår schwammalan und a wüldpret gessn u. dånn is a atomkråftwerk a schaas gegn mi.
i wiensch eich an scheenen tåg
dådedå ies a richtig scheena åltweibasummatåg

Servus,
guat gehts und de Sonnen scheint. Jaja - na druck ma da Irmi de Daumen daß se au bald wida fitt isch.

No a Bauanregl:
Gibt es Regen im Mai,
ist der April vorbei.

jåjå, ållas bahletie, eh klår.
weetta in karintziah a biessele schiachara wia gestern, åba noch truckn. und a biessale würmara. åba niet viel.
falleicht wertz regnen oda aa niet. kraht da håhne am miest... undsoweita *).

i wår heite schon in feistritz einkaafn und miet da sally håb i aa a runde gidraht - so scheen långsåm gehtz jå wohl noch.
miet meine eisnknia wer' i noch wårtn - gaxt daschlågt mi da plietz und des warat a årge enerdschievaschwendunk.

wias eppa unserm irmele geht? mia denkn vül an sie und håltn ihrn die daumen.
und die åndern - seitz eh xund odawia?

_____________________________________________________
*) fier de, wo des niet kennen tuamt:
"kraaht da håhne am miest,
ändert siech's weetta, oda es bleibt wias ist"
des ies a gåntz a ålte bauanrägl, de wo hundertbrutzäntig ållaweil stiemmen tuat.

guatnmorgn beinond!
hobts es wochenend eh guat vabrocht?! i wor in innsbruck - taaf von mein klan neffen - wor a schenes festl! oba die autofohrarei wor zach - in bade richtungen volle im stau gstondn! oba wurscht!
bei eich olles paletti?!

lg p