Hy Coolati,
was haast do alls im greanen Bereich ??? Isch des grean dia Farb vom Gsicht noch der sauren Suppn??? ;-))) Bei mir wärs a so !!! So -> ez schau i ob dia Wahl an Taug ghabt hot und nochher ab untan Gulta. (Schau ma ob i no schlofa ka !?!??!) *g*
Schlofat wohl
D´r Schneck

sewas ruflo!
nema problema de suppn wor lei mehr guat
a bissale z´vül des wors i giehols hob jo 3 reindling dazua gessn
wast eh so a frischa germtag.................
sunsta olls im greanen bereichj
kuh

seas kuh. guat gehz, dånkdascheen.
jå, a so a saure suppm is schon a schwein, der hund, hearst!
wånnst danåch schlåfn gehn wüllst und von aana seitn auf de åndare wölgest, is kaa ruah, bevur nit - wia beim buttariahrn - lauta kiegelen im wampelen ummakullarn tuan.
und wånn nåacha des, wås bei da buttariehrarei als gaasfermiga akkrekatzuaschtånd sich gebüldet håt, bei da hintarn tier wårtet und lei gaach durtn ausefåhrt, muaßt aufpassn, dass nit a kiegele mitflutschn tuat.
so is es hålt bei mir oftamål, wånn i saure suppm essn tua. und wånn i kane iess, lei de åndern, nåacha wårt i, bis dass de gaasfermign akkrekatzuaschtänd bei den åndern auftrettn und nåacha såg i "aha, siehgstes, då håstes!"

18.09.2005 15:24:18:
des waaß i so ginau, weil i mi tsimlich umfåssend mit da fisik des gaasfermigen akkrekatzuaschtåndes befåsst håb. und de saure suppm wår mir då bei meiniga furschingsårweit seeehr behülflich.
pfiatdi, kuh; und pass auf, wånn aana vur da hintern tier steht. zwengs die kiegelen.
seas, und måchs guat.

18.09.2005 15:27:57:
noch wås zua dem temma: du sågst "so umma aans is es nåacha gångan". siehgst, dås bestätuigt meine furschungen. des is nämlich wåhrscheinlich de zeit, wo de kiegelen fertig sein tuamt.

18.09.2005 15:36:06:
... åba hiatztn såg i niiiiie wieda mehr wås ieba de saure suppm, sunstn kriag i gaxt kaane mehr. weil wenn mei mitzale des, wås i då obm gschriebm håb, lesn tuat, ...
au weeh!

18.09.2005 16:49:05:
na, i bin nit es chrischtele, i bin da ruflo (hihi) åba es chrischtele håt ma gråd zwa smsn gschickt. ich soll eich ausrichtn, sie is guat im tirkischn
glåndet, es is haaß (35°), åba scheen und es wååssa håt 27° und ihrn åltn gehts aa guat. murgn fåhrn se auf besichtigungstuur nåch kappadokien.
und scheen griaßn soll ich eich ålle von ihr.
pfiateich

sewas olta ruflo.
nix los dodede. m a i hob gestan so a guate saure suppn gessn dos i die holbe nocht nit hob schlofn kennan.
oba so um ans is es noacha gongan.
wia gehts da denn`?
kuh

seas ållemitanånda. gehtzeichdennha? ållas fit?

heit gehntse ålle wähln bei de nåchbårn in germanium, damit da gerhard mit da angela im westerwelle (oda haaßt der westerwald?) de bropleme aufstoibert, de ma mia schon längst vageessn håbm.
weil unsa schiessl so in da gegend umanåndagrassert, damit er endlich dem schwartenbein seine farmazeitika da gehra eindaflößt, dasst de amål klåre gedånkn ieber de pisserstudie fåsst.
dabei pröllt eeh schon gånz ösistan lei mehr so dahin, weil unsa nettoeinkommen prokoppf ållaweil bescheidena werdn tuat und in deitschlånd wollntse uns åls vurbüld vakaafn.
auweeeh! håmmt de a åhnung, wia ma mia uns åbhaidern miaasn und aa gusi nåch'm åndern uns zwischn die finga zarrinnt!

hi woldschneck!
i winsch eich olles guate zua eira wohl oba mitm steuba und da angelika werts kan stich mochn. von wegn aufwärts.
mochts es so wia mir, do gehts mit de kostn a imma aufwärts. ;-)))
dir an scenen tog
Kuh............