grias eich!
is sich doch ausgongen, daas ma heite hohe wond umakraxln gongen send. wor eeh a klaane odysee. de hobn durt so schlecht ollas markiert. ständig föhlt de forb auf de baam, dos ma neama gwusst hobn wo ma gehn miassn. mia hobn uns donn fir an forstweg entschiedn, wal i ma doch hob, wenn der do irgendwo onfongt, muass er a wieda wo aufhern. und siha auf ana gscheitn strossn. denkste. der hot sich a poor mol gezweigt. mia sein natirlich imma grod de folsch eobzweigung gwondat und imma weita eine. i hob echt schon gedocht, i muass durt ibanochtn. fost 6 stund seine bergauf bergob gwondat. hiatzand honi a blosn am fuass und de knia ziagn. bin holt a nix mehr gwehnt. oba sunstn bin i nix miad oda so. lei wia ma donn endlich beim auto worn, wor i a bissale fertig. oba nit wegen da hatscharei, sondan, wal i schon a bissale panisch wurdn bin :-))
glick homa jo ghobt, das donn zufällig a forstauto durchgfohrn is, den hob i donn frogn kennan, wölchn weg mia nehman miassn.
honi eahm donn glei vur lauta freid a bussale aufegidruckt - no, der hot gschaugt :-)))
wor donn eeh neama weit. oba ongezeichnet wor der weg nit. anfoch durch den wold durch kreiz und quer. mah, i sog eich, wenn i amol an wondaausflug moch :-))
büldlen honi a wölchane gmocht. muass i eich bei zeitn amol schickn....
bin lei gsponnt, wia des murgn sein wert mit musklkota und so, ojojojojojojjjjjj :-)
da klaanen phoebe is heite guat gongen. mei mama wor den gonzn tog bei ihr und hot aufgipasst. | 
