Home

Gästebuch

Wörterbuch

Witze

Die TOP 15

Postkarten

Download

Info

 

Dos Gästebuach vom Villacher.NET

wastale am 29.09.2018 08:20  (vua 20 Tåg)
 Guatn Morgn

Hiatz muaß i, (bivor i auf'n  Wiesnmorkt geh) noch gschwind wås sågn.

@ eisnbeisa:
So glåcht håb i schon lång neamma !
Dås gfållt mir wia du schreibst !!!
Du bist richte wåhr a wåschechte Kärntnarin. A bist du aus'm Gailtål oda Mölltål?

Zu deina Fråg:
Jå bei uns då håt's vurgestarn minus 1Grad g'håbt, is oba nit so wichtig, weil i tua die Schlehdorn 
üba die Nåcht in die Tiefkühltrugn.
Und wonn ihr zwa Wiena - "Kärntnadirndlan" schean brav seibs schick i eich zan Nigalå a Flaschle zan kostn.

Dås mit die Bildlan einfügn funzt leida neamma do herinn.
I glab da Chef då kümmert sich neamma går so viel um die Seitn.

@ fibi: Krone auf dei Haupt, wal du die eisnbeisa mitgebråcht håst !!!

So und hiatz geh i mit meina Prinzessin Wiesnmårktumzug schaugn, a Bråtwurscht schnabln und an "Pfiff" Bier trinkn.

Pfüat eich dawal

eisnbeissa am 28.09.2018 19:20  (vua 21 Tåg)
grias enk de madln sevas de buam

hon i vorcha gonz long gschrim - wollt i no a foto dazuahängen - ummaprobiert olls beim teifl! -
hobts mi motschkern khert???

fong i holt no amol on .....
hant wor in wean ah a scheena tog - braucht ma no ka zentralheizung oda holz oda gas onzindn
wo wohntn da z`nix ? schottseitig? zintarscht in an grom drinnen?
wiaso derfschtn nit einscholtn wenn dir kolt is? hoscht wohl eh wullane sockn und a dicke untagattn, damit di nit vakilscht?
es wastale tuat schnops mochn ;) loß di lei nit dawischn von de greifa ......
hot bei enk schon gfrorn iwa de nocht? sull ma schlehe nit obgfrien lossn vurn klaubm?
noch da schual furtgongen heitawonn??? naaaaaaaaa!! i wor im intanat ! do homma noch da schual kuchldienst oda putzdient oda stolldienst oda gortndienst khobt! -
hantzetog gangat des rechtlich neamma!!! - oba vurbei - obkhertet - iwalebt !!!!!
a anzigsmol homma auf an londjugendball derfn ..... boooah, scheen wor des ....... waaaaß i no gonz ginau
jojo - domols - dreimol im kreis drahn und hant is!!!

du z`nix - oda hot wer de zentralheizung omontiert aus de gäng?

pfeifaleeee - enk an scheen hochzeitstog! 55joahr - boooah, so olt bin i no nit amol wia du schon vaheiratet bischt !! reschpekt !!! is de smaragdhochzeit ??

guate nocht
wastale am 28.09.2018 16:38  (vua 21 Tåg)
 Jå uhhh nåre, schaug amål on !!!
Is jå fåst so wia Weinachtn un Oastarn gleichzeitig.
Es gfreit mi åba richte wår, dåß wieda "Ålle" då send !

In pfeiferle und seina Erika an schean Hochzeitståg ohne Rossschwånz und ohne Orkan !  (åba a leichtes Frühlingslüfterl auf'd Nåcht  kånn nit schådn)
In da fibi an wårman Janga, oba an lången damit nix obgfriert !!!  (Jagatee hülft a)
In da eisnbeisa, dås ihr die Zeit nit davonlaft ...(I bin aus St. Veit oba Wölfnitz kenn i a gånz guat. A bist nåch da Schul immaramål furtgångan a ?)
In Martin und seina Barbara viel Xundheit und Kråft !
Und last but not least in z nix, den Boris Becker oder Ähnliches 

Bei uns då is sooo a scheans Wetta und so wår i heint Schlehdornkigalan klaubn. Mit dö måch i an Likör an guat'n.
Bis zum Krampustog is er nåcha firte.

Und zan End

Sei wia sei
stirbt's Ross, bleibt's Hei

A scheans Wochnend in Ålle !

s wastale


z nix am 28.09.2018 12:49  (vua 21 Tåg)
Salve, Eisenbeisserin, schön, wenn der Chat nicht so leer ist. Hier im Wohnblock kommt die Zentralheizung erst in einigen Tagen wieder in die Gänge, bis dahin- kühl. Jetzt suche ich einen Tennispartner für sporadisch- wird schwierig. hallo
smokedinpeace am 28.09.2018 03:16  (vua 21 Tåg)
EISENBEISSER ,gfrei mi doss du wieda do bist,mir homm jo scheene erinnerung ob wohl nur gonz kurz,zwa mol in da genottnhohe,hob nix vergessn wie du mein poni tail gmocht host,alla lagerfeld?dos wastale is unser neier doharin,a komponist a richtiger karntner.
FIBI endlich bist wieda do, wie i gsegn hob host an scheenan urlaub ghobt in Z.und neusiedlersee dir a scheene grias
MARTIN,dir a scheene grias ins voradlberg
murgen is unsa 55 hochzeit`s tog,jo wie di zeit fergeht,ans steht`s fest mir karntner mias zommanholtn, mein gott na i bin schon 61 johr in canada,L.G. eich olle do harin 
es pfeiferle
eisnbeissa am 27.09.2018 18:54  (vua 22 Tåg)
sex johr is vurbei ??? muata im kaschl !!! is foscht wia vurvurgestarn gwesn!!!
worma grod af da genottnhöh olle zommen - foscht olle holt - sogor des pfeifale wor do - von gooonz weit her! hon i ollewahl noch den bierdeckl mit dem ahorn drauf ;) wos a mir gem hot ;)
geht eich die zeit ah  schnölla weg wia des denken kummt?
i daschnaufs kaum hintaher
a poor naiche sein do - aha
des waschtale - aha - wo bischtn her? hinta klognfurt eini? weile vom wiesnfest gschriem hoscht - des is in st veit - oda? oda liebenfelsa gegend .....
a freindin von sem wor von durtn ( sem wo i no schual in pitzelstätten gongen bin)....
da fa nix - ahso - mei muata hot ollm zu mir xogt "bischt fia nix" ... owa nix is nit nix - wahl wenne nix isst bischt hin! des is nachand nit lei nix ......
(ahso, mei kärntnerisch is kraut und ruabm, wahl i bin schon 35 johr eingebürgerte wienerin - und doda redns gonz ondarscht - und wahl i des jetzt ollm red, vagiß i des onglernte von sem schon a bissale - jo )
so schaugs aus im bajenhaus
und aus die maus

martin - ojegale - olls guate - daumendruck -
Phoebe am 27.09.2018 16:58  (vua 22 Tåg)
 Schande über mein Haupt, den Septemba honi gonz vanochlässigt und wor nit do nei eich.
Oba wia ma siggt, honi eich wem mitgebrocht ;)
Grias di Beisserle 😃😃😃😎😎😎

Gez eich olln wohl guat?
Da Summa is umma, tat da Kuhlee sogn und fest jamman, daas eahm zkolt is.
Oba des wert i hoatzand fir eahm ibanehmen, weil i gfrier mir den Orsch ob, obwohl heite de Sunn so scheen scheint.

Pfeiferle!!! Grias diii!!
Wastele, scheene Gedichtle host wieda gschriebn.
Sogor da Z'nix hot sich iba poor mehr Wort driba gitraut. Jo sehr guat. Weita so!!

Martin: i gfrei mi so fir di, daas du den Sauhhund den bleedn guat besiegt host!!!
martin unterrlass am 26.09.2018 18:30  (vua 23 Tåg)
Griaß eich aussn Ländle.
Hob a scho länga nimmer gschriebn oba hetzan werd i braver sein und mi öfters meldn.
Bei uns is soweit olles ok. Wor ma a poor Tog in Bad Bleiberg bei die Eltern.
Gsundheitlich is olles bestens . Den Krebs hon i vermutlich besiegt. Ende Monat widda CT Untersuchung oba es sollt olles Ok sein.
Eich ollen die noch ibrig san do im V-Net liabe Griaß.
Martin und Barbara 
wastale am 26.09.2018 07:57  (vua 23 Tåg)
 Griaß di eisnbeissa(rin)

Wonn die fibi mit ana Turtn kömman is...... nihm i ån.....
Also: 
Ålls Guate zan Geburtståg, hintn nåch !!!

I bin jå lei da Neie, åba trotzdem gfreit mi, dåß du nåch 6 Jåhr wieda amål do einaschaugst.
Is a bisale so als wonn die Sunn aufgehn tat.
Går so viel send jå niama, dö då schreibnt.
Irgenwie schåd'
Vielleicht schaust hiatz wieda öfta amål vorbei.
Tatat mi gfrein!


eisnbeissa am 25.09.2018 17:35  (vua 24 Tåg)
grias enk, viel-locha- i bins - da eisnbeissa -
sem hon i agach aufghert zam schreibn -
hant is es fibile mit ana geburtsogsturtn kemmen - glocht homa - gegaudlt homa -  einegemoggt homa - iwa olte zeitn homa nochdenkt - und agach worma beim villachanet - (weil do homa unss kennenglernt)
sem, ols olle noch do worn, es mizale, da ruflo, de irmi, da..... wia hot a ghaßn? da cooli !
a poor mol is es chrischtkindl kemmen dazwischn .....
de hoor hon ka forb mehr .....
gonz ondascht is hant ols sem..........................................................

lei grias enk - wollt i sogn ....
smokedinpeace am 24.09.2018 05:32  (vua 25 Tåg)
grias eich den tornado hom ma ibalebt,oba an ort 30km von mir worn nit so lucky der ist gonz demoliehrt,und fost 3 tog homma mir kan stom ghobt,oba sunst ist olls ok bei mir,der tornado is plozlich daher kumman ohne doss man sich zumindest vorbereitn konn. mir homm in dunkeln kerzn gsuacht sowie a toschnlompn usw. pfirt eich
es pfeiferle
wastale am 20.09.2018 18:06  (vua 29 Tåg)
 Wollte jemand vor 1961, mit der Tramway in Klagenfurt , von Annabichl zum Bahnhof, mußte er-sie am Heiligengeistplatz umsteigen.
Dås Gedichtle von Wilhelm Rudnigger ståmmt aus der Zeit danåch.

Da Plentnbauer mit viel Gschnauf
steigt auf sein åltn Esl auf.

Dås er's darpåckt es eh a Glick
an zweitn Esl, håt er am Strick.

Dås is in Annabichl gwesn,
i bin beim "Blumanstöckl" gsessn,
siehg dås, laf hin und tua den Baua frågn,
warum loßt di den vom Esl trågn ?

Er gibt zur Åntwort: "Waß jå eh !
Ka Tramway mehr ! Und bei dem Schnee
wer i nit z'Fuaß zan Båhnhof wåndarn
I bin hålt g'scheida wia di Åndarn.

Den brauch i åba nit bedauern,
denk i - und såg zan Plentnbauarn:
" No tuast hålt mit'm Esl reitn !
Åba såg:  zu wås brauchst du den Zweit'n ?"

D'rauf sågt er: "Fråg nit går so tumm,
am Heiligengeistplåtz steig i um !"

Liebe Grüße in Ålle

@ pfeiferle
never give up
gach werd die fibi schon wieda einaschaugn, werst sehgn!




22.09.2018 19:47:
 @ pfeiferle

I måch mir wiklich Sorgn um di !!!
Hoffentlich is dir bei dem Sturm nix passiert ?
I pray for you
z nix am 20.09.2018 08:07  (vua 29 Tåg)
In Mariatrost ist das Tramwaymuseum. Nun, wenn in Richtung Mariagrün eine Baustelle ist, dann fährt der Einser eher nur im Winter, genauer wissen es die Verkehrsbetriebe.

20.09.2018 12:30:
Es gibt sogar einen Cabriobus der Grazer Linien, wie ein normaler Omnibus nur ohne Dach, für die bessere Gesellschaft.(Stadtrundfahrt)
smokedinpeace am 19.09.2018 19:49  (vua 30 Tåg)
@ ZNIX, auf di zweier linie konn i mi nix mehr erinnern, oba mit der 1 linie schon ,vom bohnhof noch maria trost,ob di wohl noch fohrt? 
FIBI wo bleibst den
an di wenigen wos holt noch do eineschaun L.G. 
es pfeiferle 
z nix am 19.09.2018 09:06  (vua 30 Tåg)
Jetzt wird in Graz über eine Mini-U-Bahn diskutiert, interessant. Sogar in Serfaus gibt es so etwas im Kleinformat, habe ich bis vor kurzem auch nicht gewusst. Ob sich noch viele Menschen an die ehemalige Strassenbahnlinie 2 erinnern, die hier bis 1971 gefahren ist? Wohl kaum.
<<Vuarige Seitn
Seitn 2 von 3141
Nächste Seitn>>

Suachn:   

 
     

 


Panoramablick über Villach/Känten


Panoramablick vom Gipfel der Gerlitzen auf 1.909m
Richtung Westen

Blick über den Faaker See Richtung Mittagskogel

 

edition lebenszeit

Villach Villacher Bier Wuhte Trinken Stammtisch Community Chat Postkarte Greeting Card Grusskarte Grußkarte Kaernten Oesterreich Drau VSV Lei Lei Lei-Lei Schotten Wörterbuch Brauerei Volksmund Dialekt Kärntnerisch Kaerntnerisch Kärnten Villacherisch Fasching Karneval Carneval Anrufbeantworter Ansage Handylogo Nokia Download Villaha Bartl Most Schotten Finkenstein Warmbad Webcam Arnoldstein Auen Manzenreiter Satire Theater Spittal Klagenfurt KAC Kärnten Down Under KDU Alpenhighlander Highland Games Kärntenkaro Tartan Rettl edition lebenszeit KG - Lebensgeschichten | Biografien | Firmenportraits Mag.a Dr.in Lisa Rettl First-Carinthian-Highland-Club