Home

Gästebuch

Wörterbuch

Witze

Die TOP 15

Postkarten

Download

Info

 

Dos Gästebuach vom Villacher.NET

Wastale am 25.04.2018 19:18  (Gestan)
 Griaß eich ålle miteinånd

Also   z nix  i muaß schon sågn, deine kryptischen Postings überråschen mi imma wieda und regen mei Phantasie ån.
Die gånze Zeit denk i schon nåch, wås du öpa im Schutze der Dämmerung für ane gscheitn Såchn måchst?
Mir fållt schon seit Jåhrn nit amol bei Tåg wås gscheit's ein  ;-) 

Übrigens:
Sich über Philosphie lustig zu machen, ist wiklich philosophieren!   ( Blaise Pascal )

@ fibi
Mit'n Wetta håst åba wohl recht !!!
Frisch geräucherte Forelle mit Oberskrenn..... då varsamst åba wås !
Åba da pfeiferle kånn bestimmt wås kochn, dås uns bade schmeckt. ;-)

@ pfeiferle
Morgn is Pfingste, dås Wetta passt a und wånn dei Leidn a wieda bessa is, dånn is lucky day!!!Å

@ Martin
I wünsch dir so sehr, dåß Ålls guat gångan is !

In Ålle noch a schöne Wochn

s Wastale
z nix am 24.04.2018 12:31  (vua 2 Tåg)
der Gluatmugl

Wenn die Sonne tut brennen und sengen dann hab ich Pause. Suche den Schatten auf oder die Dämmerung nutzen um etwas gescheites zu tun; hallo.
Phoebe am 23.04.2018 21:29  (vua 3 Tåg)
 Grias eich, meine Liabn!

No, wos sogts wor des a Traumwettale on dem Wochnend!?
Ausflüge homa gmocht und vül gsegn.
Heldenberg am Somstog. Carnuntum am Sunntog. Und nix aussa Sunne. Mah, wia Urlaub. So scheen!
Oba nutzt nix, de Wochn wert aa vagehn und des nächste Wochnend wert wieda scheen. Inkl. Fenstatog. Honi ma heite schon eingitrogn, dass i den freihobn wüll. So gibts a scheens longes Wochnend.
Hiatzan muss uns lei mehr wos einfolln, wos ma damit mochn.

@Martin: Olles, olles Guateeee!!!! I druck fest olle Daam!!!!

Mah Pfeiferle, des Bideo wor jo echt schlimm. So eisig wors echt bei eich??
Na, do kumm i liaba nit tum Essn. Sonst rutsch i gach aus 😂

Wastele, ohe, Fisch tatst da winschn?
Ui, do muass i donn on an ondaren Tog zum Pfeiferle essn gehn, ols du. Weil wenn i Fisch is, donn lei Fischstäbchen  😅😂

So, donn schlofts recht guat, 
I drah amol des Liacht ob.
*knips*


Wastale am 23.04.2018 09:37  (vua 3 Tåg)
 Griaß eich ålle miteinånd !
I wünsch in Ålle, dö gesundheitlich nit so guat drauf send: Gute Besserung !!!
Dem pfeiferle sog i danke für die Einlådung.
I waß jo nit ob i jemols noch nåch Kanada kumm, åba wenn...... pfeiferle, nocha muaßt Fisch selchn  ;-)
A schöne Wochn noch für Ålle

s Wastale
martin unterrlass am 22.04.2018 07:54  (vua 4 Tåg)
Guatn morgen.
Liabe griaß an olle im V.Net.
Hetzan muaß i einruckn. Um 11 ins LKH. Möld mi wenn olles guat vurbei is.
Martin 
smokedinpeace am 22.04.2018 05:11  (vua 4 Tåg)
endlich wert`s warmer bei uns,soll auf 14 grad aufegehn,mit sonnenschein,i wer di zeit ausnizen um ane forelln reuchern

MARTIN,wie geht`s is olls guat gongan?

fibi,du bist zu jeder zeit einglodn zum essn,braucht`s ma nur sogn wos gern essn mechst

wastale dos gultet a fir di
pfirt eich V. nettla
es pfeiferle
Phoebe am 18.04.2018 19:35  (vua 8 Tåg)
 Grias eich!
A'Wetta is supa scheen. Lei hob i nit vül davon.
Kopfweh is schon bessa oba des Knack und mei Holba Ruckn is steif und total vasponnt. Im Orm a dicke Entzündung. Olles tuat ma weh.
Olt sollst nit wern...
Am Freitog honi a MRT. Donn schaugns wieda mol, wos sich so giton hot mit Athrosen und Spondilosn. Olles holt, wos ma nit brauchn konn.
Werd hoffentlich nit mehr wurdn sein, ols des letzte Mol.
Oba wos solls. Solong i noch allan gehn konn, passt des schon 😉

Sodale, hiatzand geh i gach in da Kuchl umariahn. Da Broccoli wortet schon...

@Wastele: Donkscheen, fir des liabe Gefichtle!

@Pfeiferle: Werst gach amol do gerziagn. Donn kennt i mi bei dir zum Essn einlodn 😂😂🍽🍽


smokedinpeace am 16.04.2018 21:45  (vua 10 Tåg)
MARTIN, I wer a dauman drucken fir di, olles guate

FIBI schau amol an wochentog host schon hinter dir noch a por tog dazua,dos wetta wert a scheener und donn geht`s zur donauinser?? I shau es im you tube on

WASTALE,host wieda a scheens gedichtle,leida homma noch imam noch a sau wetta,i was schon nerma wos I tuan soll,gestan opfel kompott,heite butter gmocht murgen was I noch nit. I hob schon so viele rezepte ausprobiert dos I schon gonz tamisch bin.
I winsch eich a scheene wochn pfirt eich
es pfeiferle
Wastale am 16.04.2018 17:30  (vua 10 Tåg)
 Grias eich 

@ fibi

Die Nervn send gånz feine Stränge,
Von ana ungeheuren Länge.

Dö durch dein gånzn Körpa gehnd
( sogår bis eine in die Zähnd)

Send's nit in Ordnung, wern'd se bös,
als Folge werst du dånn nervös!

Kriagst Kopfweh und noch åndre Schmerzn,
doch nimm dir dås nit z'viel zu Herzen !!!

Am Best'n is' - i was' von mir,
Du trinkst dånn an, zwa klane Bier....

Dånn bist zwår niama gånz so Gscheit,
doch's Kopfweh is Vergångenheit !  ;-)

@ pfeiferle: a håt's di eingschniebn ?

 @ martin: Alles Gute ( I versteh dås, vielleicht mehr åls du glabst)

@ Ålle Åndarn

A schöne Wochn! Und imma schön fröhlich bleibn !!!

Phoebe am 16.04.2018 14:40  (vua 10 Tåg)
 An scheenen Wochnstart fir eich olle!

Jo, bei uns is heite aa lei grau. Oba nix kolt. Bisdl drahn tuts mi und i hob Schädlweh. Oba des wert wohl lei des Wetta sein.

@Martin: i druck schon amol hiatzend olle Daam fir nächste Wochn!!!
Du pockst des!!!!!


martin unterrlass am 16.04.2018 13:38  (vua 10 Tåg)
Griaß eich.
Hoff bei eich is olles in Ordnung. Gott sei Donk is es endlich Frühling gworden. Heite regnets zwor a bissele oba es hot 17 Grad und ob Morgn solls strahlend sonnig werden mit iba 20 Grad.
Do bei uns is olles beim olten. Am Sunntog muass i ins LKH einrucken und am Dienstog is die OP. Bi optimistisch dos olles guat werd.
Eich ollen an scheanen Gruaß aussn Ländle.
Martin und Barbara 
Phoebe am 14.04.2018 20:14  (vua 12 Tåg)
 Grias eich meine Liabn!!!
Hiatzand honi grod gmerkt, dass mei letzta Eintrog do gor nit abgspeichert is. Honi eich fest gschriebn ghobt und hiatzand steht gor nix von vur poor Tog.

Na wurscht. I hoff, heite gehts.

Mah, wos sogts, es ist endlich worm. I bin soooo glicklich!!!!
Mia homa heite an klaan Ausflug noch Ungarn gmocht. Sopron. Is lei a Stund mitn Auto von Wien entfernt. Durtn a bissl umaspaziert, gmiatlich gfrühstückt, bissale geshoppt und am späteren Nochmittog in an liabn Lokal im Frein in da Sunn gsessn und wos gscheits guts gessn.
Vur ana Stund erst hamkunmen.
So losst sichs leben!
Murgn werma Orth an der Donau bissl obwondan. Soll jo murgn aa nich scheen sonnig werdn.

@Wastale: Mah, i bin grod glegn vur Lochn mit dein Sotz: Translation for Pfeiferle..... i hob glaabt i ...... mi on 😃😆😂
Der Reim is aa wieda a Wohnsinn! :D

I find des so supa, dass do herin wieder bissl Wind waaht. So liab und lustig. Fost schon wieda wia Friaha, gel Pfeiferle. Da Ruflo wert mitlesn und eahm wirds taugn. Und a poor Witz fir unsan Coolati sein aa mit dabei.

Martin: Jo danke, da Bea gehts recht gut. Sie is fest untawex in da Natur. Heit wor sie eh schon wieda fleissig am Fotografiern. Hob ma grod ihre Büldlen ongschaugt, dies vurhin auf Facebook einigeton hot. Vom Phönixteich auf da Donauinsel.
Apropos: Pfeiferle, des Inselfest is wieda Ende Juni. Weri siha umegehn, wenn des Wetter donn passt.

Sadale, a dix Bussale fir eich und eire Liabn.
Genießts den Obnd!!!!


Wastale am 13.04.2018 11:38  (vua 13 Tåg)
 # me too

Mit' m Sepp geht dås Lisale ham durch'n Wåld
Finsta is gwesn und går a so kålt.

D'rum  hängt sich die Liesl beim Seppl fest ein,
wal sie går so viel Ångst håt, wonn finsta tuat sein.

Sie sågt dånn zan Seppl: Tua ma jå nix, i bitt,
wal wonnst mir tatast, i dawihr mi jå nit !

Na na, sågt da Seppl, håb bittgår-schean ka Ångst,
I tua dir gånz gwiß nix, wås nit extra varlångst.

Und sö gehnd durchn Wåld und sö gehnd und sö gehnd,
da Seppl tuat richte nix, merkt sie am End.

Gach sågt die Liesl: terfst ma richte nix tan,
wal i kånn nit davonlafn, i fürcht mi allan!

Na, na sågt da Seppl: I låß di eh in da Ruah,
A håst noch nit gmirkt, dåß i dir går nix tua ?

Und sö gehnd und sö gehnd und da Seppl tuat nix,
rein übahaupt går nix,... deswegn sågt dås Lisale fix:

Åba wenn'st mir wås tuan willst ( kimmt a Seifzarle drauf):
Dånn muaßt die schon tummln, - wal da Wåld hört glei auf !!!

Dås Gedichtle is von Wilhelm Rudnigger und schon Ur- Ålt......

In Ålle dö gern lustig send,
wünsch i a scheanes Wochnend

s Wastale


smokedinpeace am 12.04.2018 04:05  (vua 14 Tåg)
wastale hiaz was I bescheid zwegs de kafer, es ist schon pfingsti bei eich,oba bold bei mir a.
I wer mei glick wieder ausprobieren,
L.G.aus Canada
es pfeiferle
Wastale am 11.04.2018 08:53  (vua 15 Tåg)
 Translation for pfeiferle
Da Goldregn is schon gånz tschaupat wal rundumatum ålls klumpa dirr is.
Ban Radlfåhrn tuat fest stabn und aufpassn muaßt, dåß da nit a Schuastakäfa ins Maul fliagt,wal dås Gfick is a schon untawöx.
Oba dås g'hert se so

Liebe Grüsse in Ålle
s Wastale
Seitn 1 von 3131
Nächste Seitn>>

Suachn:   

 
     

 


Panoramablick über Villach/Känten


Panoramablick vom Gipfel der Gerlitzen auf 1.909m
Richtung Westen

Blick über den Faaker See Richtung Mittagskogel

 

edition lebenszeit

Villach Villacher Bier Wuhte Trinken Stammtisch Community Chat Postkarte Greeting Card Grusskarte Grußkarte Kaernten Oesterreich Drau VSV Lei Lei Lei-Lei Schotten Wörterbuch Brauerei Volksmund Dialekt Kärntnerisch Kaerntnerisch Kärnten Villacherisch Fasching Karneval Carneval Anrufbeantworter Ansage Handylogo Nokia Download Villaha Bartl Most Schotten Finkenstein Warmbad Webcam Arnoldstein Auen Manzenreiter Satire Theater Spittal Klagenfurt KAC Kärnten Down Under KDU Alpenhighlander Highland Games Kärntenkaro Tartan Rettl edition lebenszeit KG - Lebensgeschichten | Biografien | Firmenportraits Mag.a Dr.in Lisa Rettl First-Carinthian-Highland-Club